काठमाडौं । युएफा च्याम्पियन्स लिग फुटबल प्रतियोगिताको फाइनल खेलमा आज राति बायर्न म्युनिख र पेरिस सेन्ट जर्मेन (पिएसजी) भिड्नेछन् ।
जर्मन फुटबल क्लब बायर्न म्युनिख छैटौं पटक उपाधि जित्ने अभियानमा छ ।
उता फ्रान्सको पिएसजी भने पहिलो पटक युरोपको च्याम्पियन बन्ने लक्ष्यमा रहेको छ ।
सेमिफाइनलमा फ्रान्सको ओलम्पिक लियोंलाई हराउँदै बायर्न फाइनल पुगेको हो ।
त्यसअघि बायर्नले नक आउट चरणमा इंग्लण्डको चेल्सी र स्पेनको बार्सिलोना जस्ता बलिया टोलीहरुलाई पाखा लगाउँदै आफ्नो दावेदारी पस्किएको थियो ।
उता ब्राजिलियन स्टार नेयमारको टोली पिएसजीले सेमिफाइनलमा आर।बी लेप्जीगलाई हराएको थियो ।
बायर्न र पिएसजीबिचको यो खेल पोर्चुगलको लिस्बनमा आज राती नेपाली समय अनुसार सवा १ बजे सुरु हुनेछ । ईमेजखबर
