अब कक्षा १० मा पनि भर्ना हुन पाइने व्यवस्था

  ।   २०७७ फाल्गुन ४, मंगलवार १७:०६

संवाददाता
सरकारले कक्षा १० मा पनि भर्ना हुन पाइने व्यवस्था गरेको छ । शिक्षा नियमावलीको नवौं संशोधन गरेर कक्षा ९ मा भर्ना भएर रजिस्ट्रेसन फाराम भरेपछि त्यही विद्यालयबाट एसईई (माध्यमिक शिक्षा परीक्षा) दिनु पर्ने प्रावधान हटाएको हो ।

मूल नियमावलीको ८० मा ‘महामारी वा यस्तै अन्य विपद्का कारण पठन पाठन अवरुद्ध भई विद्यालयबाट स्थानान्तरण हुनु परेको विद्यार्थीले स्थानान्तरण भई आउन चाहेको स्थानको विद्यालयले सो व्यहोरा खोली निवेदन दिएमा सम्बन्धित विद्यालयले त्यस्तो विद्यार्थीलाई स्थानान्तरण गर्नुपर्ने’ व्यवस्था गरिएको हो ।

यसअघि वैवाहिक सम्बन्धको कारण वा सरकारी कर्मचारी रहेका अभिभावकको सरुवा भएको अवस्थामा बाहेक कक्षा १० मा भर्ना हुन नपाइने व्यवस्था थियो ।

नोवेल कोरोना भाइरस (कोभिड–१९) महामारीका कारण स्थानान्तरण हुने विद्यार्थीलाई लक्षित गरेर नियमावली संशोधन गरिएको शिक्षा, विज्ञान तथा प्रविधि मन्त्रालयका सचिव गोपीनाथ मैनालीले जानकारी दिनुभयो ।

प्रशासनबाट

Leave a Reply

Your email address will not be published. Required fields are marked *

Next Post

यसपाली कक्षा १२ पास भएको प्रमाण पत्र आफनै विद्यालयबाट लिन सकिने

२०७७ फाल्गुन ४, मंगलवार १७:०६
कक्षा १२ को नतिजा प्रकाशित भएसगैं अब विद्यार्थी प्रमाण पत्रको प्रतिक्षामा छन । यस बर्ष राष्ट्रिय परिक्षा बोर्डले विगतका बर्षहरुमा भन्दा फरक ढंगले प्रमाण पत्रहरु उपलब्ध गराउने तयारी गरेको छ । जसअनुसार विद्यार्थीहरु अब राष्ट्रिय परिक्षा बोर्डको कार्यालयमा नगई प्रमाण पत्रका लागी आफनै विद्यालयमा पुग्नु पर्नेछ । प्रक्रियाहरु केके छन […]