दल बहादुर सुनार, बर्दिया ।
दृष्टिबिहिन खेलाडीलाई लक्षित गरी बर्दियामा ५ दिने नेत्रहिन क्रिकेट प्रशिक्षण तालिम सुरु गरीएको छ । नेत्रहिन क्रिकेट संघ बर्दियाले लुईस बे्रलको ११२ औं जन्मोत्सवको अवसर पारी आजदेखी प्रशिक्षण तालिमको शुरुवात गरेको हो ।
नेत्रहिन क्रिकेट प्रशिक्षण तालिमको एक कार्यक्रमका बीच रक्षा फाउण्डेशनका अध्यक्ष साबित्रा गौतमले बलिङ र गुलरिया नगरपालिका वडा नम्बरका ६ का अध्यक्ष निरज कुमार शर्माले ब्याटिङ गरेर खेलको उद्दघाटन गर्नुभएको छ ।
प्रशिक्षण स्थलमै रक्षा फाउण्डेशनका अध्यक्ष साबित्रा गौतमले १० हजार रुपैंया सहयोग गर्ने घोषणा पनि गर्नुभएको छ ।
जिल्लाका ८ वटै पालिकाबाट २८ जना दृष्टिबिहीन खेलाडीको सहभागीता रहेको प्रशिक्षण तालिमका लागी गुलरिया नगरपालिका वडा नम्बर ६ ले २५ हजार रुपैंया, वडा नम्बर ४ र ५ ले पाँच–पाँच हजार रुपैंया आर्थिक सहयोग गरेको नेत्रहिन क्रिकेट संघ बर्दियाका अध्यक्ष हरि तिमिल्सेनाले जानकारी दिनुभयो ।
