आज सोमबार बाँकेबाट ९ महिनाको बालिकासहित थप १३ महिला र २५ पुरुष गरि ३८ जना संक्रमित कोरोना मुक्त भइ डिस्चार्ज हुँदैछन ।
जिल्ला कोभिड-१९ संकट व्यवस्थापन केन्द्र बाँकेका फोकल पर्सन नरेश श्रेष्ठका अनुसार सोमबार बाँके नेपालगन्ज १२ का ९ महिने बालिकासहित १३ महिला र २५ पुरुष गरी ३८ जना संक्रमित कोरोना मुक्त भई डिस्चार्ज हुँदैछन । उनिहरुलाई असोज १२ गते कोरोना संक्रमण देखिएपछि विभिन्न आइसोलेसनमा राखिएको थियो ।
यो सङ्गै बाँकेमा कोरोना संक्रमणबाट मुक्त हुनेको संख्या १ हजार ८ सय ४७ पुगेको छ ।
बाँकेका विभिन्न आइसोलेसन केन्द्रमा अन्य जिल्लाका २१ सहित ५ सय ५३ जना सक्रिय संक्रमित उपचाररत छन् । बाँके जिल्लामा हालसम्म कोरोनाबाट संक्रमितको संख्या २ हजार ४ सय ५ रहेको छ भने अहिले सम्म २६ जनाको कोरोनाका कारण मृत्यु भईसकेको छ ।
