सबिता चन्द
नेपालगन्ज । नेपाल कम्युनिस्ट पार्टी (माओवादी केन्द्र) बाँकेको वडा सम्मेलन धमाधम हुँदै छ । जिल्ला समन्वय समिति संयोजक नरेन्द्र प्रसाद पाण्डे (जेम्स) लगायतका नेताहरू यतिखेर गाउँ बस्तीहरुमा दौडधुप गरिरहनु भएको छ । 
सनिवार नेपालगन्ज उपमहानगरपालिका वडा नं। १४ का स्थानीय बासिन्दाका घरदैलो मै पुगेर वडा सम्मेलनको तयारीमा जुट्नु भयो । संयोजक जेम्सले माओवादीको अभियान अन्तर्गत गाउँबस्ती धाउन थालेको बताउनु भयो । नेकपा माओवादी केन्द्र लुम्बिनी प्रदेश सदस्य दिपेन्द्र बिष्टले जिल्लामा माओवादीको वडा सम्मेलन तीब्र रुपमा सफल हुने गरेको बताउनु भयो । 
नेपालगन्ज(१४ का भवनियापुर, कैरातिपुर, गोसाईपुरुवा, बालेगाउँ, उधौपुरुवा, बाबुगाउँ लगायतका बस्तीमा पार्टी वडा अध्यक्ष गुलाम रसुल साईसँग संयोजक जेम्सको टोलि पुग्नु भयो । वडा नं। १४ का सबै टोल बस्तीमा पुगेर आइतबार हुने वडा सम्मेलनको तयारी गर्नु भयो । हात जोड्दै संयोजक जेम्स लगायतका नेताहरू टोल बस्तीमा पुगेपछि टोल बस्तीका सर्वसाधारण उत्साहित भएको गुलाम रसुलले बताउनु भयो । 
वाड १४ का इन्चार्ज समेत रहनु भएका दिपेन्द्र बिष्टले फोन मार्फत वडाका नेताकार्यकर्तासँग जोडिएर भएपनि पार्टी सक्रिय रहेको बताउनु भयो ।
