बर्दिया । बर्दिया राष्ट्रिय निकुञ्जसँग जोडिएको गेरुवा गाउँपालिकास्थित बाजपुर सामुदायिक वनमा बिहीबार बेलुकी पोथी गैंडा मृत अवस्थामा फेला परेको छ । सो गैंडा बर्दिया निकुञ्जबाट निस्किएर सामुदायिक वनमा पुगेको हुनसक्ने अनुमान गरिएको छ ।
निकुञ्जका अनुसार निकुञ्जसँग जोडिएको कर्णालीको भंगालो गेरुवा नदी पारी रहेको सो सामुदायिक वनमा करिब १९र२० वर्षको पोथी गैंडा मृत फेला परेको हो । मृत्यु भएको पोथी गैंडासँग केटा (बच्चा) समेत रहेको छ ।
बर्दिया निकुञ्जबाट चिकित्सकसहित सुरक्षाकर्मिको टोली शुक्रबार बिहान घटनास्थलतर्फ प्रस्थान गरेको स्रोतले जनाएको छ । मृत भेटिएको गैंडाको पोष्टमार्टम त्यहीँ गरिने निकुञ्ज प्रशासनले जनाएको छ । भने यो समाचार दस्ताबेजलाई स्रोत बानाइ बनाइएको हो ।
