संवाददाता, नेपालगंज ।
असार यता नेपालमा कोभिड–१९ को संक्रमण बढ्दो क्रममा छ । त्यसैक्रममा बाँके पनि कोभिड विरुद्धको खोप लगाएका ब्यक्तिलाई नै कोभिड संक्रमण भएको पुष्टि भएको छ ।
बाँकेका कोभिड फोकल पर्सन तेज वलीका अनुसार आज भेरी अस्पताल नेपालगंजको पीसीआर ल्यावमा ३ जनाको जाँच गर्दा ३ जनामै कोभिड संक्रमण पुष्टि भएको हो ।
जसमा नेपालगंज १८ का दुई जना पुरुष र नेपालगंज १० का १ जना महिला छन ।
कोभिडको संक्रमण देखा परे संगै कोभिड फोकल पर्सन तेज वलीले सबैलाई स्वास्थ्य मापदण्ड पालना गर्न, कोभिड खोप नलगाएकाले लगाउन र कोभिडको दोस्रो मात्रा पुरा लगाएको ३ महिना पुगेकाहरुले वुस्टर खोप लगाउन हुन हार्दिक अनुरोध गर्नुभएको छ ।
