संवाददाता ।
कोरोना महामारीको पहिलो र दोस्रो लहरको बेला बाँकेका विभिन्न स्थानीय तहले संक्रमण रोकथाम र नियन्त्रण गर्न जिल्ला कोभिड नाइन्टिन संकट व्यवस्थापन समितिलाई १ करोड ५७ लाख आर्थिक सहयोग गरेका थिए ।
नेपालगन्ज उपमहानगरपालिकाले मात्रै ४३ लाख सहयोग गरेको थियो ।
त्यसैगरी कोहलपुर नगरपालिकाले ३२, राप्ती सोनारी गाउँपालिकाले १५, नरैनापुरले १६, जानकीले ११, बैजनाथले ११ डडुवाले १३ र खजुरा गाउँपालिकाले १६ लाख रुपैयाँ दिएका थिए ।
तर समितिले धेरै जसो रकम होटलहरुलाई दिएको पाइएपछि सरोकारवालाहरुले दुरुपयोग भएको आशंका गरेका छन् ।
जिल्ला कोभिड नाइन्टिन संकट व्यवस्थापन समितिको सिफारिसमा जिल्ला प्रशासन कार्यालयले खाना, इन्धन, गाडी भाडा र होटलमा बसेको खर्चको भुक्तानी दिएको छ ।
संक्रमणमा खटिएका कर्मचारीलाई प्रोत्साहन खर्चसँगै स्वयम् सेवकलाई समेत रकम दिएको पाइएको छ । जल्ला प्रशासन बाँकेमा भएका कोभिडसम्बन्धी बैठकमा समेत दाताहरुले रकम पारदर्शी ढंगले खर्च नभएको बताएका छन् ।
महामारी नियन्त्रण गर्न खर्च गर्नुपर्ने रकमको दुरुपयोग भएको आशंका भएपछि छानबिनको माग उठेको छ ।
कान्तिपुर टिभी डटकमबाट ।
