संवाददाता ।
नेपाल राष्ट्र बैङ्कले सुनौलो रङमा टकमरी गरिएको एक रुपैयाँ दरको सिक्का आजदेखि चलनचल्तीमा ल्याएको छ । सिक्काको आकार भने हाल प्रचलन रहेको सिक्का सरह नै रहेको राष्ट्र बैङ्कले जनाएको छ ।
सिक्काको अग्रभागको वृत्ताकार घेराभित्र ६४ वटा थोप्ला रहनुका साथै हिमाल, पहाड र तराईको पृष्ठभूमिमा सात प्रदेशसहितको नेपालको नक्सा रहेको छ ।
यसको माथिल्लो भागमा अङ्ग्रेजी अक्षरमा रि वान र तल्लो भागमा देवनागरी लिपिमा रुपैयाँ १ लेखिएको छ ।
