संवाददाता ।
विश्वकै सर्वाधिक खोजीको सूचीमा राखिएका कोलोम्बियाका लागु औषध तस्कर ‘आटोनियल’ पक्राउ परेका छन् । दायरो एन्टोनियो उसुगा पुरा नाम रहेका उनी कोलम्बियाका सबैभन्दा शक्तिशाली तस्करी समुहका नाइके मानिन्थे ।
वर्षौदेखि लागु पदार्थको तस्करी गर्दै आएका ओटोनियललाई कोलोम्बियाको सेना र प्रहरीको सयुक्त टोलीले गिरफ्तार गरेको हो ।
कोलोम्बियाले मोस्ट वान्डेटको सुचीमा रहेका ओटोनियलको बारेमा जानकारी दिनेलाई आठ लाख अमेरिकी डलर पुरस्कार दिने घोषणा गरिएको थियो ।
यसैगरी अमेरिकाले उनको टाउकोको मुल्य ५ मिलिएन अमेरिकी डलर तोकेको थियो ।
उनी पक्राउ परेलगतै कोलोम्बियका राष्ट्रपति इभान ड्युकले भिडियो सन्देश जारी गर्दै देशलाई ठुलो उपलब्धि हासिल भएको जानकारी दिनुभयो ।
उनलाई पानामाको सीमा नजिक कोलोम्बियाको उत्तर पश्चिम एन्टीकुया प्रान्तबाट पक्राउ गरिएको हो ।
इमेज खबरबाट
