३० लाख रुपैया बराबरको अक्सिजन सिलिण्डर खरिदमा सांसद अथकले गरे योगदान

  ।   २०७८ बैशाख २७, सोमबार १७:५०

बाँके । संघिय सांसद महेश्वर गहतराज अथकले बाँकेका तिन वटा स्थानिय तहलाई अक्सिजन सिलिण्डर खरीदकालागि ३० लाख रकम उपलब्ध गराउने हुनु भएको छ । कोरोना महामारीको मार खेप्दै आएका बाँकेवासीको सुविधाकालागि साँसद अथकले ३० लाख रकम छुटाउनु भएको हो ।

बाँके निर्वाचन क्षेत्र नं. १ बाट निर्वाचित सांसद अथकले आफ्नो निर्वाचन क्षेत्र अन्तर्गत कोहलपुर, नरैनापुर र राप्तीसोनारी गाँउपालिकालाई अक्सिजन खरिदकालागि ३० लाख रकम उपलब्ध गराउने हुनुभएको हो । सांसद अथकका सचिवालय सचिव शिव सुनारका अनुसार कोहलपुर नगरपालिकालाई १५ लाख, नरैनापुर गाँउपालिकालाई १० लाख र राप्तीसोनारी गाँउपालिकालाई ५ लाख रकम बिनियोजन गरीएको छ । स्थानिय पूर्वाधार विकास साझेदारी कार्यक्रम अन्तर्गत तत्काल अक्सिजन सिलिण्डर खरीदकालागि ३० लाख रकम छुट्याईएको सुनारले जानकारी दिनुभयो ।

पछिल्लो समय बाँके कोरोनाको हटस्पट बनेको छ । संक्रमित अत्याधिक बढेसँगै बाँकेमा अक्सिजनको अभाव देखिएको छ । जिल्लाका ठुला अस्पतालमा अक्सिजनको अभाव देखिएपछि सांसद अथकले आफ्नो निर्वाचन क्षेत्रभित्र रहेका अस्पताल र आइसोलेशन सेन्टरमा अक्सिजनको सहज आपूर्तिकालागि रकम छुट्याउनु भएको हो ।

Leave a Reply

Your email address will not be published. Required fields are marked *

Next Post

इङ्लिस प्रिमियर लिगको उपाधि म्यानचेस्टर सिटीले जित्ने पक्का

२०७८ बैशाख २७, सोमबार १७:५०
काठमाण्डाै | म्यानचेस्टर सिटीले इङ्लिस प्रिमियर लिगको उपाधि जित्ने पक्का भएको छ । गएराति भएको खेलमा लेस्टर सिटीले म्यानचेस्टर युनाइटेडलाई पराजित गरेसँगै सिटीले उपाधि जित्ने पक्का भएको हो । दोस्रो स्थानमा रहेको युनाइटेडलाई तेस्रो स्थानमा रहेको लेस्टर सिटीले २–१ गोलले पराजित गरेको हो । गएराति भएको खेलसँगै म्यानचेस्टर सिटी र म्यानचेस्ट युनाईटेडबीच […]