बाँके । जिल्लामा कोरोना भाइरसको सङ्क्रमणबाट मुक्त हुनेको सङ्ख्या तीन हजार पाँच सय ८१ पुगेको छ । गएको २४ घण्टामा २३ जना कोरोनामुक्त भएसँगै कोरोनालाई जित्नेको सङ्ख्या तीन हजार पाँच सय ८१ पुगेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
यस्तै गएको २४ घण्टामा २६ जनामा कोरोना भाइरसको सङ्क्रमण देखिएको छ । योसँगै बाँके जिल्लामा सङ्क्रमितको कुल सङ्ख्या तीन हजार सात सय ४७ पुगेको छ ।
बुधबार बाँकेमा सक्रिय सङ्क्रमितको सङ्ख्या एक सय ८१ छ । हालसम्म बाँके जिल्लाको आईसोलेसनमा १८१ जना र होम आईसोलेसनमा १२७ जना रहेका छन् ।
यस्तै कोरोना सङ्क्रमणबाट ज्यान गुमाउनेको सङ्ख्या ३८ पुगेको डीसीसीएमसी बाँकेले जनाएको छ ।
बाँकेमा कोरोनाका बिरामी निको हुने दर ९४.३० प्रतिशत, मृत्यु दर १.०१ प्रतिशत र रोगको प्रकोप दर ०.६३ प्रतिशत रहेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
