संवाददाता, डुडुवा ।
बाँकेको डुडुवा गाउँपालिका वडा नम्बर ३ हलबलडोलीमा आयोजित नेकपाको शुभकामना तथा चियापान कार्यक्रममा अन्य पार्टी परित्याग गरी ५ सय जना नेता तथा कार्यकर्ताहरु नेकपामा प्रवेश गरेका छन ।
नेपाली काङ्ग्रेस, जसपा तथा राष्ट्रिय प्रजातन्त्र पार्टी लगायतबाट नेकपामा प्रवेश गरेको नेकपा डुडुवा गाउँपालिका अध्यक्ष शकिल खानले जानकारी दिनुभयो ।
जसपाका जिल्ला कमिटी सदस्य सतिउल्ला बागवान, कार्यकर्ता अनवर खाँ, नेपाली काङ्ग्रेसका निर्वाचन क्षेत्र नम्बर २ का क्षेत्रीय कमिटी सदस्य कैयुम खाँ, कार्यकर्ताहरु गरिबे खाँ, रहमान खाँ, राप्रपाका बिनयराज त्रिपाठी लगायत रहनुभएको छ ।
नेपाल कम्युनिस्ट पार्टी (नेकपा) डुडुवा गाउँपालिकाले आज दशै, तिहार, नेपाल सम्बत, मोहम्मद डे तथा छठ पर्वको उपलक्ष्यमा शुभकामना आदान प्रदान तथा चियापान कार्यक्रमको आयोजना गरेको थियो ।
नव पार्टी प्रवेशीहरुलाई संघीय सांसद महेश्वर गहतराज ‘अथक’ ले अबिर टिका, माला लगाई स्वागत गर्नुभएको छ ।
स्वागतपछि सम्बोधन गर्दै नेकपाका केन्द्रीय सदस्य एंव बाँके क्षेत्र नम्बर १ का साँसद अथकले नेपाल कम्युनिष्ट पार्टी नेकपाको बिकल्प शक्ति नेपालमा नरहेको दाबी गर्नुभयो ।
देशको विकासका लागि नेकपा अनिवार्य शक्ति भएको अथकको भनाई छ ।
कार्यक्रममा केन्द्रीय सदस्यहरु मोहम्मद हारुन, सिराज फारुकी, हज कमिटीका पुर्व अध्यक्ष ताज मिया, लुम्बिनी प्रदेशका भूमी ब्यवस्था, कृषि, सहकारी मन्त्री आरती पौडेल, नेकपा बाँकेका सचिव अशोक कोइराला, नेताहरु निरक गुरुङ, लगायतले एकतावद्ध नेकपा नै जनताको चाहना भएको बताउनुभएको छ ।
तर कोभिड–१९ को महामारीका बेला गरिएको कार्यक्रममा स्वास्थ्य सुरक्षा सावधानीलाई बेवास्था गरिएको भन्दै केही गुनासो पनि आएका छन ।
