बाँके । भेरी अस्पताल नेपालगंजको पीसीआर प्रयोगशालामा शनिबार ९७ जनाको स्वाब संकलन गरेको मध्ये २४ जनामा कोरोना पोजिटिभ पुष्टि भएको छ ।
शनिबार दिँउसो २ बजे अस्पतालले जारी गरेको सूचना अनुसार बाँकेका १७, बर्दिया र दाङका ३/३ जना र नवलपरासीका एक जना रहेका छन् ।
प्रयोगशालामा प्राप्त ४८ हजार तीन सय ६६ जनाको स्वाब नमुना जाँच कार्य सकिएको छ ।
जाँच गरिएका नमुना मध्ये चार हजार एक सय २७ वटा नमुनामा कोरोना पुष्टि भएको छ भने पछिल्लो २४ घण्टामा ९७ जनाको कोरोना परीक्षण गरिएको अस्पतालद्वारा जारी सुचनामा उल्लेख गरिएको छ ।
यस्तै बाँकेबाट आज ३१ जना कोरोनामुक्त भई डिस्चार्ज भएका छन् । विभिन्न आइसोलेशनमा रहेका १५ पुरुष र १६ महिला कोरोनामुक्त भई डिस्चार्ज भएका हुन् ।
योसंगै बाँकेमा कोरोना संक्रमणबाट निको भई डिस्चार्ज हुनेको संख्या तीन हजार दुई सय ६९ पुगेको स्वास्थ्य कार्यालय बाँकेका कोरोना सम्पर्क ब्यक्ति नरेश बाबु श्रेष्ठले बताउनुभयो ।
कोरोनाका कारण बाँकेमा ३६ जनाको मृत्युु भइसकेको छ ।
