बाँके । बाँकेमा कोरोनाका कारण दाङका ७० वर्षीय पुरुषको शनिबार मृत्यु भएको छ ।
कोहलपुरस्थित नेपालगन्ज मेडिकल कलेजमा उपचार गराइरहनु भएका तुल्सीपुर उपमहानगरपालिका वडा नम्बर १८ का ७० वर्षीय पुरुषको दिउँसो २ः४५ बजे मृत्यु भएको जिल्ला स्वास्थ्य कार्यालय, बाँकेका अधिकृत एवं कोरोनाका फोकल पर्सन नरेश श्रेष्ठले बताउनुभयो ।
श्रेष्ठका अनुसार उहाँलाई स्वास्थ्यमा समस्या भएपछि कात्तिक १४ गते कोहलपुरको आईसीयू युनिटमा भर्ना गरिएको थियो । कोरोना आशंकामा भोलिपल्ट स्वाब लिएर जाँच गर्दा त्यही दिन कोरोना पुष्टि भएको थियो ।
योसँगै बाहिरी जिल्लाबाट बाँकेमा उपचार गराउन आउँदा मृत्यु हुनेको संख्या १९ पुगेको छ ।
