पाल्पाको रानीमहलतर्फ जाँदै गर्दा बैकुण्ठे भिरमा जीप दुर्घटना हुँदा ७ जनाको मृत्यु भएको छ । आइतबार बेलुका करिब ५ बजेतिर जीप बैकुण्ठे भिरबाट बराङ्गदी खोलामा खसेपछी दुर्घटनास्थलमै उनीहरुको मृत्यु भएको हो ।
प्रमुख जिल्ला अधिकारी बन्धु प्रसाद बास्तोलाका अनुसार दुर्घटनाको वास्तविक कारण पत्ता न लागे पनि, सो सडक खण्ड अलि साघुरोनै रहेको र घाइते चालक ईश्वर बहादुर लोहनी पहिलो पटक सो स्थानमा गएका थिए ।
“घाइतेको पाल्पास्थित मिसन अस्पतालमा उपचार हुँदै छ । भौगोलिक बनावटका कारणले पनि उद्धारकार्य कठिन भएको हो । घटनाका बिषयमा पनि अनुसन्धान जारी छ,” प्रमुख जिल्ला अधिकारी बास्तोलाले बताउनु भयो । मृतकहरु नवलपरासीको हुनु पर्ने अनुमान रहेको छ ।
