नेपालगन्ज । गुरु पूर्णिमाको दिन योग समिति नेपालका संरक्षक एवं योग गुरुलाई सम्मान गरिएको छ । गुरु पुर्णिमाको शुभ अवसरमा आज विहान डाक्टर गीरिराज भटराईलाई योग समितिका तर्फबाट शिष्यहरुले सम्मान पत्र सहित सम्मान गर्नु भएको हो ।
योगाभ्यासका साथै सो अवसरमा आजीवन सदस्यता प्राप्त सदस्यलाई सदस्यता वितरण गरियो । भृकुटीनगर टोल विकास समितीद्धारा उमेरका आधारमा योग प्रशिक्षकलाई सम्मान गरिएको थियो । सो अवसरमा योग समितिका सल्लाहकार विश्वजीत तिवारी, राजन राना मगर, नन्दलाल वैश्य, योग समितिका आजीवन सदस्य निम ब. शाक्य र कार्यक्रम संयोजक मिना न्यौपानेले योग र गुरुपूर्णीमा बारे बोल्नु भयो ।
