संवाददाता ।
सरकारले गाँजा खेतीको सम्भाव्यता अध्ययन गर्ने घोषणा गरेको छ । आगामी आर्थिक वर्षको बजेट भाषण गर्दै अर्थमन्त्री प्रकाशशरण महतले औषधि प्रयोजनका लागि गाँजा खेतीको सम्भाव्यता अध्ययन गर्ने घोषणा गर्नुभएको हो ।
सरकारले गाँजा खेतीलाई वैधानिकता दिनुपर्ने आवाज उठिरहेका बेला सरकारले बजेटमार्फत सम्भाव्यता अध्ययन गर्ने घोषणा गरेको हो । अर्थमन्त्रीले यो घोषणा गर्दा संसदमा हाँसोको फोहोरा छुट्यो । सो क्रममा अर्थमन्त्री पनि केहीबेर सांसदहरुतिर हेर्दै हाँस्न पुग्नुभयो ।
