चालू आर्थिक वर्ष २०७७-०७८ को पहिलो महिनामा नेपालले करिब साढे ९५ अर्ब रुपैयाँको वैदेशिक व्यापार गरेको छ ।
भन्सार विभागले आज जारी गरेको तथ्यांकअनुसार ९० मुलुकसँग (एक लाखभन्दा बढी कारोबार गर्ने) ९५ अर्ब ४२ करोड ८० लाख रुपैयाँ बराबरको व्यापार गरेको हो ।
चालू आवको साउनमा भएको यो व्यापार १७.४२ प्रतिशत कम हो । गत वर्षको साउनमा नेपालले १ खर्ब १५ अर्ब ५६ करोड २४ लाख रुपैयाँको वैदेशिक व्यापार गरेको थियो ।
विभागका अनुसार नेपालले समीक्षा अवधिमा ८५ अर्ब ८० लाख रुपैयाँको सामान आयात गरेको छ भने ९ अर्ब ६२ करोड रुपैयाँको निर्यात गरेको छ ।
प्रतिशतका आधारमा आयात १९.६ प्रतिशतले घटेको छ भने निर्यात ८.८६ प्रतिशतले बढेको छ ।
–न्युज कारोबारबाट
