संवाददाता ।
चर्चित म्यागेजिन फोब्र्सले सार्वजनिक गरेको सन् २०२३ को विश्व अर्बपति सूचीमा नेपालका उद्योगी तथा सांसद विनोद चौधरी १६४७ औ स्थानमा रहेको देखाएको छ ।
फोब्र्सका अनुसार उहाँको कुल सम्पत्ति १ अर्ब ८० करोड डलर पुगेको हो । ६७ वर्षका चौधरीको सम्पत्ति स्रोत विविध रहेको देखाइएको छ ।
यता फोब्र्सको वार्षिक विश्व अर्बपति सूचीमा एलन मस्कलाई पछि पार्दै बर्नार्ड आर्नो विश्वकै सबैभन्दा धनी बन्नुभएको छ । दोस्रो स्थानमा धकेलिनुभएका मस्कको सम्पत्ति १ खर्ब ९२ अर्ब अमेरिकी डलर रहेको जनाइएको छ ।
पहिलो स्थानमा रहनुभएका बर्नार्डको कुल सम्पत्ति २ खर्ब २८ अर्ब डलर रहेको छ ।
