संवाददाता, नेपालगंज ।
नेपाली रुपैयाँको (नक्कली नोट) सहित ३ जना पक्राउ परेका छन ।
बुधबार साँझ साढे ५ बजेतिर बाँकेको नेपालगंज उपमहानगरपालिका वडा नम्बर ४ न्युरोडमा नक्कली नोटको कारोबार भईरहेको अवस्थामा १ हजार रुपैंयाँ दरका नक्कली नोट ५ लाख ६९ हजार रुपैयाँ सहित तीन जना ब्यक्ति पक्राउ परेका हुन ।
लुम्बिनी प्रदेश प्रहरी कार्यालय दाङ्ग र जिल्ला प्रहरी कार्यालय बाँकेबाट खटि गएको प्रहरी टोलीले अछाम तुर्माखाद गाउँपालिका वडा नम्बर ३ का ३७ बर्षिय दिपक वि.सी., सल्यान बनगाड कुपिण्डे नगरपालिका वडा नम्बर ५ का ३० बर्षिय मोहन राना र बाँके कोहलपुर नगरपालिका वडा नम्बर ११ का ३२ बर्षिय मोहन कुमाईलाई पक्राउ गरी सार्वजनिक गर्दै कारबाही प्रक्रिया अगाडि बढाईएको जनाएको छ ।
