पुरन परियार बाँके । खजुरा गाउपालिका वडा नं. ५ का अति विपन्न ५० घर परिवारलाई कम्मल वितरण गरिएको छ । खजुरा गाउपालिकाका अध्यक्ष डम्बर बहादुर बिक (तुफान) ले ५० विपन्न परिवारका सदस्यहरुलाई कम्मल वितरण गर्नु भएको हो ।
खजुरा-५ का वडा अध्यक्ष गरिबे शेषले आयोजना गरेको कार्यक्रममा खुशी हुँदै अति विपन्न परिवारका घरमुलीहरु आएका थिए । चिसोको मारमा परेका ५० जनाले न्यानो कम्मल प्राप्त गरेपछि निकै खुशी भएको अनुभव वडा अध्यक्ष शेषले सुनाउनु भयो । कार्यक्रममा पालिका अध्यक्ष तुफानले सर्वसाधारण जनताका छोराछोरी सुरक्षित रहन पालिकाले खेल्नुपर्ने सबै भुमिका खेल्न तयार भएको बताउनु भयो । अध्यक्ष तुफानले भन्नुभयो, ´ जनतालाई चिसो हुनु पालिकालाई चिसो हुनु हो । त्यसैले खजुराबासी सर्वसाधारणका घाउमा मलम पट्टि लगाउन म र स्थानीय पालिका तयार छौँ ।`
सो कार्यक्रममा पालिका उपाध्यक्ष मन्जु मल्ल, प्रमुख प्रशासकीय अधिकृत नृपराज उपाध्याय लगायतको उपस्थिति थियो ।
