दाङ । दाङमा आइतबार राति १२ बजेदेखि एक हप्ताका लागि निषेधाज्ञा जारी गरिने भएको छ । शुक्रबार बसेको कोरोना सङ्कट व्यवस्थापन समितिको बैठकले समुदायस्तरमा कोरोना भाइरसका सङ्क्रमित फेला पर्न थालेपछि एक हप्ताका लागि निषेधाज्ञा गर्ने निर्णय गरेको हो ।
जिल्ला कोरोना सङ्कट व्यवस्थापन समितिका संयोजक तथा प्रमुख जिल्ला अधिकारी गोविन्दप्रसाद रिजालको अध्यक्षतामा बसेको बैठकले यस्तो निर्णय गरेको हो । निषेधाज्ञाको अवधिमा पीसीआर जाँचलाई तीव्रता दिने र एक हप्तापछिको अवस्था हेरेर थप निर्णय लिइने समितिका संयोजक तथा प्रमुख जिल्ला अधिकारी रिजालले जनकारी दिनुभयो ।
