बाँके । बाँकेका विभिन्न आइसोलेसनबाट ६ महिला र ७ पुरुष सहित १३ जना कोरोना जितेर घर फर्किदै छन् ।
मंगलबार ४२ जना संक्रमित थपिए लगतै बुधबार १३ जना डिस्चार्ज भएर घर फर्किन लागेको स्वास्थ्य फोकल पर्शन नरेश श्रेष्ठले जारी गरिएको रिपोर्टमा उल्लेख गरिएको छ ।
फोकल पर्शन श्रेष्ठले जारी गरेको रिपोर्ट अनुसार अहिलेसम्म १ हजार ८५ जना संक्रमितको संख्या पुगेको छ भने ७ सय ५९ जनाले कोरोना जितेका छन् । विभिन्न आइसोलेसनमा ३ सय २० जना संक्रमित उपचाररत छन् । बिरामी निको हुनेदर ६९.९५ प्रतिशत, रोगको प्रकोप दर ०.१८ प्रतिशत र मृत्यु दर ०.५५ प्रतिशत रहेको छ ।
