नेपालगन्ज । कोरोना संक्रमितहरुको संख्या दैनिक रुपमा बढ्न थालेपछि सोफिया रेसिडेन्सियल इङलिस स्कुल ४ दिनका लागि बन्दहुने भएको छ ।
सोफिया स्कुल ब्यबस्थापन समितिका अनुसार बाँके जिल्लामा कोरोना भाइरसका संक्रमित दैनिक रुपमा ह्वात्तै बढ्न थालेपछि स्कुल बन्द गर्ने निर्णय गरिएको हो । स्कुलका प्रधान अध्यापक सुशिला बसेलले भन्नुभयो,” हामीलाई बालबालिकाको माया छ । पहिला बालबालिका स्वस्थ हुनुपर्छ अनि बल्ल शिक्षा आर्जन गर्न सकिन्छ । त्यसैले हामीले सनिवार सम्मको लागि स्कुल बन्द गर्ने निर्णय गरेका हौं । त्यसपछि पनि स्कुल खोलिने छ ।”
चौतर्फी रुपमा कोरोना संक्रमित बढेको हल्ला सुनेपछि नेपालगन्जका अभिभावकहरु त्रसित भएका छन् । सोफिया स्कुलमा आफ्नो छोराछोरी बढ्न पठाउने एक अभिभावकका अनुसार विद्यालयले विद्यार्थीहरुलाई माय गरेर यस्तो निर्णय गरेकोमा धन्यवाद दिनुभयो ।
बुधबार मात्र १ सय २३ जनाको कोरोना पोजेटिभ रिपोर्ट आएको छ । सरकारी मापदण्ड अनुसार नचल्ने हो भने अवस्था खतार हुने जानकारहरु बताउछन् ।
