संवाददाता, बर्दिया ।
राती १० बजेसम्म मात्र डि.जे. साउण्ड सिस्टमहरु बजाउन बर्दियाका टेन्ट हाउस, डि.जे. साउण्ड सिस्टम पसलका संचालकहरु सहमत भएका छन ।
बिवाह, पुजा, ब्रतबन्ध, पार्टी लगाएका बिभिन्न धार्मिक तथा सांस्कृतिक कार्यक्रमहरुमा प्रयोग हुने डि.जे.लगायतका साउण्ड सिस्टमहरु चर्को आवाजमा रातभरी बजाईने गर्नाले ध्वनी प्रदुषण बढेको भन्दै गुनासो आएपछि छलफल गरी सहमति खोजिएको जिल्ला प्रहरी कार्यालय बर्दियाले जनाएको छ ।
गुनासो सम्बोधनको लागी जिल्ला प्रहरी कार्यालय तथा मातहत कार्यालयहरुले आ–आफ्नो एरियामा संचालनमा रहेका टेण्ट हाउस, डि.जे. तथा साउण्ड सिस्टम पसलका संचालकहरुलाई प्रहरी कार्यालयमा बोलाई टेण्ट हाउस, डि.जे. तथा साउण्ड सिस्टम पसलबाट कुनैपनि कार्यक्रमको लागी प्रयोग गरिने डि.जे. लगायतका साउण्ड सिस्टमहरुको आवाज कार्यक्रम स्थलमा मात्र सुनिने गरी सानो साउण्डमा बजाउने निर्णाय भएको हो ।
