संवाददाता, नेपालगंज।
नेपाल पत्रकार महासंघ, लुम्बिनी प्रदेश समितिले लुम्बिनीमा अन्र्तराष्ट्रिय मीडिया सम्मेलन गर्ने निर्णाय गरेको छ । अर्घाखाँचीको सितगंगा ८ सातमारा भालुबाङमा प्रदेश अध्यक्ष बसन्त गिरीको अध्यक्षतामा आज बसेको बैठकले यस्तो निर्णाय गरेको हो ।
यस्तै प्रदेश अन्र्तगत पर्ने १२ जिल्लाका १ हजार ७ सय पत्रकारहरुको प्रदेश कार्यसमितिले जारी गरेको परिचय पत्रका आधारमा निःशुल्क दुर्घटना बीमा गर्ने, पत्रकार कल्याण कोष स्थापना गर्ने लगायतका निर्णाय पनि गरेको छ ।
यसैगरी प्रदेश समितिका गतिविधिहरुलाई थप प्रभावकारी र सक्रिय बनाउन भन्दै बसन्त गिरीको संयोजकत्वमा भवन निर्माण समिति, शुक्रऋषि चौलागाईको संयोजकत्वमा अनुशासन समिति, शिव सुनारको संयोजकत्वमा समावेशी समिति, चुमा आचार्यको संयोजकत्वमा महिला समिति र विक्रम खड्काको संयोजकत्वमा संगठन विभाग समिति पनि निर्माण गरिएको छ ।
प्रदेश समितिले महासंघको भवन निर्माण स्थलको अवलोकन पनि गरेको जनाएको छ ।
