संवाददाता, वुटवल ।
लुम्बिनी प्रदेश सरकारले आन्तरिक मामिला तथा सञ्चार मन्त्रालयको प्रस्तावमा सूचना तथा संचार प्रविधि प्रतिष्ठानमा विज्ञ सदस्य (कमल बहादुर श्रीस थापा) लाई नियुक्त गर्ने निर्णय गरेको छ ।
२४ गते बसेको लुम्बिनी प्रदेश सरकारको मन्त्रि परिषद बैठकबाट पारित निर्णायहरु आज सार्वजनिक गर्दै मुख्यमन्त्री कुल प्रसाद केसीका प्रेस संयोजक मानसिंह विश्वकर्माले जानकारी गराउनुभएको हो ।
बैठकले गरेका ७ वटा निर्णाय मध्ये पहिलो प्रदेश योजना आयोग र प्रदेश प्रशिक्षण प्रतिष्ठानको अस्थायी संगठन संरचना र दरवन्दीहरुको २०७९ साल असारसम्मको लागि स्वीकृति प्रदान गर्ने रहेको छ ।
यस्तै दोस्रो आन्तरिक मामिला तथा सञ्चार मन्त्रालयको प्रस्तावमा आन्तरिक मामिला तथा सञ्चार मन्त्रालय अन्तर्गत सूचना प्रविधि प्रतिष्ठानको अस्थायी दरबन्दीहरुको २०७९ सालको असारसम्मको लागि स्वीकृत गरेको छ ।
कानून महिला तथा बालबालिका तथा जेष्ठ नागरिक मन्त्रालयको प्रस्तावमा पाल्पा दरबार संग्रहालय विकास समिति (गठन) आदेश, २०७८ स्वीकृति गर्ने निर्णय गरिएको छ भने कानून महिला तथा बालबालिका तथा जेष्ठ नागरिक मन्त्रालयको प्रस्तावमा प्रदेश सभाका पदाधिकारी तथा सदस्यको पारिश्रमिक र सुविधा सम्बन्धी ऐन २०७८ को अनुसूची हेरफेर स्वीकृती गर्ने निर्णय पनि गरिएको छ ।
छठौं कृषि खाद्य प्रविधि तथा भूमी व्यवस्थापन मन्त्रालय प्रस्तावमा स्मार्ट कृषि गाँउ कार्यक्रम सञ्चालन (पहिलो संशोधन) कार्यविधि, २०७८ स्वीकृत गर्ने निर्णय गरिएको छ ।
र सातौं शिक्षा विज्ञान, युवा तथा खेलकुद मन्त्रालयको प्रस्तावमा प्रदेश खेलकुद विकास ऐन, २०७८ लाई संशोधन गर्न बनेको अध्यादेश जारी गर्न प्रदेश प्रमुख समक्ष सिफारिस गर्ने निर्णय गरिएको छ ।
