काठमाडौं । नेपाल कम्युनिस्ट पार्टी (एकीकृत समाजवादी) का अध्यक्ष माधवकुमार नेपाल कोरोनाभाइरसबाट संक्रमित हुनुभएको छ ।
आशंका लागेर स्वाब परीक्षण गराउँदा कोरोना संक्रमण पुष्टि भएको पार्टीका प्रचार विभाग प्रमुख जगन्नाथ खतिवडाले जानकारी दिनुभयो । कोटेश्वरस्थित निवासमा आराम गरिरहेका अध्यक्ष नेपालको स्वास्थ्य अवस्था सामान्य रहेको छ ।
यसैगरी, एकीकृत समाजवादीका उपमहासचिव विजय पौडेल पनि कोरोनाभाइरसबाट संक्रमित हुनुभएको छ । – रासस
