संवाददाता, नेपालगंज।
रेड पाण्डा (हाब्रे) को छाला सहित ३ जना ब्यक्तिलाई प्रहरीले पक्राउ गरेको छ ।
पक्राउ पर्नेमा सुर्खेत भेरीगंगा नगरपालिका वडा नम्बर १० का ४० बर्षिय दल बहादुर शाही, जाजरकोट जुनिचाँदी गाउँपालिका वडा नम्बर ११ का ४२ बर्षिय धन बहादुर शाही र सल्यान कुपिन्डदेह नगरपालिका वडा नम्बर ४ का ३३ बर्षिय भरत बहादुर पुन रहेका छन ।
आज दिँउसो पख बाँकेको कोहलपुर नगरपालिका वडा नम्बर १२ चप्परगौडी स्थित दैलेखी होटलबाट पक्राउ परेका ब्यक्तिहरुलाई थप अनुसन्धानका लागी बाँके राष्ट्रिय निकुञ्ज कार्यालयमा पठाईएको छ ।
लोपन्उमुख वन्यजन्तु रेडपाण्डाको छालाको कारोबार भईरहेको भन्ने सूचनाका आधारमा लुम्बिनी प्रदेश प्रहरी कार्यालय ब्युरो र इलाका प्रहरी कार्यालय कोहलपुरबाट खटी गएको प्रहरी टोलीले होटलको कोठा नम्बर ११३ मा खानतलासी गर्दा झोलामा लुकाई राखेको २ थान छाला फेला पारेको थियो ।
