कोरोनाका कारण हालसम्म ८ जना नेपाली पत्रकारको निधन

  ।   २०७८ बैशाख ९, बिहीबार १५:००

संवाददाता, नेपालगंज ।

कोभिड–१९ को महामारी शुरु भएयता नेपालमा हालसम्म ८ जना पत्रकारको निधन भएको छ ।

यही बैशाख महिनामा मात्रै पनि नेपाल पत्रकार महासंघ दाङ शाखाका सदस्य दामोदर अधिकारी र झापा शाखाका सदस्य कमल मिश्रको कोरोना संक्रमण भई उपचारका क्रममा निधन भएको हो ।

दाङको घोराही–१७ निवासी ४१ वर्षीय पत्रकार अधिकारीको काठमाडौंमा उपचारका क्रममा वैशाख ७ गते मंगलबार निधन भएको थियो भने झापाबाट पत्रकािरता सुरु गरी हाल काठमाडौंमा पत्रकारिता गरिरहनुभएका मिश्रको वैशाख १ गते राति ४९ वर्षको उमेरमा काठमाडौंस्थित टेकु अस्पतालमा उपचारको क्रममा निधन भएको थियो ।

कोरोनाकै कारण यसअघि ६ जना पत्रकारको निधन भएको थियो भने ४ सयभन्दा बढी संक्रमित भएका थिए ।

नेपाल पत्रकार महासंघले स्वर्गीय पत्रकारद्वय अधिकारी र मिश्रप्रति हार्दिक श्रद्घाञ्जली अर्पण गर्दै आज प्रेस बिज्ञप्ती जारी गरी दिवंगत आत्माको चिरशान्तिको कामना गरेको छ ।

महासचिव रोसन पुरी द्धारा जारी बिज्ञप्तीमा भनिएको छ, ‘पछिल्लो केही दिनयता कोरोना संक्रमितको दर दिनानुदिन बढिरहेको छ । कोरोना भाइरस (कोभिड–१९) को उच्च संक्रमणको चुनौतीपूर्ण यो अवस्थामा महासंघ सम्भावित जोखिमको ख्याल गरी सम्पूर्ण स्वास्थ्य सुरक्षाका उपायहरु अवलम्बन गर्दै पेशागत कर्ममा जुट्न सबै पत्रकारमा अपिल गर्दछ ।’

Leave a Reply

Your email address will not be published. Required fields are marked *

Next Post

कठिन समयमा पत्रकार आचारसंहिताको पूर्ण पालना गरौं : नेपाल पत्रकार महासंघ

२०७८ बैशाख ९, बिहीबार १५:००
संवाददाता, नेपालगंज। नेपाल पत्रकार महासंघले संम्भावित जोखिमबाट सञ्चारक्षेत्रलाई जोगाउँदै पत्रकारले कोभिड महामारीका बीचमा पनि निर्वाध र सहजरुपमा काम गर्ने वातावरण निर्माणका लागि सरकारसँग आग्रह गरेको छ । सञ्चार क्षेत्रमा स्वास्थ्य सामग्रीको सहज उपलब्धता, खोप लगाउन छुटेका पत्रकारलाई तत्काल खोप लगाउने व्यवस्था मिलाउन र कोभिडविरुद्धको लडाइमा अग्रभागमा रहेर काम गर्ने पेशाकर्मीका […]

सम्बन्धित समाचार