संवाददाता ।
निर्वाचन आयोगले फागुन १२ गते हुने राष्ट्रिय सभा निर्वाचनका लागि मतदान स्थल र मतदान केन्द्र तोकेको छ । आयोगले आज एक विज्ञप्ति जारी गर्दै ८ वटा मतदान स्थलमा १४ वटा मतदान केन्द्रहरू रहने जानकारी दिएको छ ।
आयोगका अनुसार प्रदेश १ मा २ वटा मतदान स्थल केन्द्र र अन्य ६ वटा प्रदेशमा १-१ वटा मतदान स्थलभित्र २-२ वटा मतदान केन्द्र रहने गरी ८ वटा मतदान स्थलमा १४ वटा मतदान केन्द्रहरू तोकिएका छन् ।
आयोगका अनुसार ५३२ तथा गाउँपालिका अध्यक्ष तथा उपाध्यक्ष एवम् नगरपालिकाका प्रमुख तथा उपप्रमुखहरू १ हजार ४९३ गरी जम्मा २ हजार २५ मतदाता रहेका छन् ।
राष्ट्रिय सभामा चार बर्से कार्यकाल सकिएर फागुन २१ गतेबाट १९ सांसद बिदा हुँदै छन् । सोही स्थानमा निर्वाचन हुन लागेको हो ।
