बाँके । बाँकेमा कोरोनाका कारण ४० वर्षीय पुरुषको आइतबार मृत्यु भएको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
कोहलपुरस्थित नेपालगन्ज मेडिकल कलेज नेपालगन्जमा उपचार गराइरहनु भएका खजुरा गाउँपालिका वडा नं. ३ का ४० वर्षीय पुरुषको शनिबार राति ११ बजे मृत्यु भएको जिल्ला स्वास्थ्य कार्यालय, बाँकेका अधिकृत एवं कोरोना सम्पर्क व्यक्ति नरेश श्रेष्ठले बताउनुभयो ।
योसँगै बाँके जिल्लामा कोरोना संक्रमणबाट मृत्यु हुनेको संख्या ३२ पुगेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
