‘जस्टिन बिबरः आवर वल्र्ड’ ले गायक बिबरको भित्री पाटो र तीनवर्षमा उनको पहिलो फुल कन्सर्ट लगायत उत्साहजनक खुलासा गर्ने बताइएको छ ।
यसका साथै वृत्तचित्रले २७ वर्षीय गायकका प्रशंसकलाई ब्याकस्टेज, अनस्टेज र किशोर सांगीतिक आइकनको व्यक्तिगत पाटो पनि देखाउने छ । यसमा उनी र उनकी पत्नी हेलीको नजिकका दृश्यहरू पनि देखाइने छ ।
कोरोना महामारीले पछिल्लो करिब ३ वर्षदेखि स्टेज कार्यक्रम लगायत सबै ठप्प हुँदा बिबरले सन् २०२० लाई गजब्बले बिदाइ गरेका थिए । उनले वेभर्ली हेलटन होटलको कौशीमा आमन्त्रित २४० जना पाहुनाको उपस्थिति र लाखौँ फ्यानसँँग लाइभ जोडिएर मनोरञ्जन दिएका थिए ।
बिबरको वृत्तचित्र २४० देशमा एकैपटक प्रदर्शनी हुनेछ । रटनारको ओबीबी पिक्चर्स, बिबर टाइम फिल्म्स्, र स्कुटर ब्राउन फिल्म्सको संयुक्त लगानीमा निर्माण भएको वृत्तचित्र प्रदर्शनका लागि रटनार निकै उत्साहित छन् ।
वृत्तचित्रबारे अमेजन स्टुडियोकी प्रमुख जेनिफर साल्क भन्छिन्, “यो जस्टिन र उनका नजिकका व्यक्तिहरूको एउटा कच्चा र अभूतपूर्व स्न्यापसट हो ।” इन्डियन एक्सप्रेसबाट ।
