गिनीमा राष्ट्रपतिलाई गिरफ्तार गर्दै सेनाले सत्ता हत्यायो

  ।   २०७८ भाद्र २१, सोमबार ०७:२८

एजेन्सी । अफ्रिकी मुलुक गिनीमा सेनाले सत्ता हत्याएको छ । गिनीको राजधानी कोनाक्रीमा रहेको राष्ट्रपति भवन प्रवेश गरेका सेनाले अन्धाधुन्ध गोली प्रहार गरी गिनीका राष्ट्रपति अल्फा कोंडेलाई गिरफ्तार गरेको छ ।

साथै उनीहरुले गिनीका सबै सीमा नाकाहरु पनि सील गरेका छन् । सत्ता हत्याएको सेनाले संविधानमाथि रोक लगाउनुका साथै राज्य संस्था पनि भंग भएको घोषणा गर्दैे देशका सम्पुर्ण सार्वजनिक प्रसारण सेवामा समेत रोक लगाएको छ ।

सेनाले द नेशनल कमिटी अफ ग्यादरिङ एण्ड डेभलप्मेन्ट समुह नामाकरण गरी देशको शासन आफुहरुको हातमा लिएको घोषणा गरेको छ भने राष्ट्रपतिलाई पनि कब्जामा लिएको जनाएको छ ।

तेस्रो कार्यकालका लागि राष्ट्रपति बनेका कोंडेकाको पछिल्लो कार्यकाल निकै बिबादास्पद बनेको थियो । संविधान बिपरित राष्ट्रपति नियुक्त भएको भन्दै उनी बिरुद्ध ब्यापक प्रदर्शन समेत भएको थियो ।

उता, गिनीको रक्षा मन्त्रालयले भने राष्ट्रपति सेनाको कब्जामा नरहेको र देश छाडेर कतै शरण लिन गएको जनाएको छ ।

Next Post

देशभर मनसुन सामान्यदेखि पूर्णतया वदली, मेघ गर्जन र चट्याङ्गसहित हल्कादेखि मध्यम वर्षा हुँदै

२०७८ भाद्र २१, सोमबार ०७:२८
काठमाडौं । जल तथा मौसम विज्ञानका अनुसार आज विहान देशभर सामान्यदेखि पूर्णतया वदली रहेको छ । प्रदेश १, प्रदेश २, वाग्मती, गण्डकी र लुम्बिनी प्रदेशका धेरै स्थानमा तथा बाँकी प्रदेशका एक वा दुई स्थानमा मेघ गर्जन र चट्याङ्गसहित हल्कादेखि मध्यम वर्षा भइरहेको छ । आज दिउँसो देशभर सामान्यदेखि पूर्ण बदली […]

सम्बन्धित समाचार