बाँकेमा जोरबिजोरको नियम लागु भैरहेको छ भने आज बुधबार जोर नम्बरका गाडि मात्र चलाउन पाइने छ । जिल्ला प्रशासन कार्यालय बाँकेको सूचना अनुसार जिल्लाभित्र बिजोर नम्बरका सवारीसाधन चलाउन निषेध गरीएको हो ।
लकडाउनको बिकल्पका रुपमा बाँकेमा सवारीसाधन जोरबिजोर प्रणाली लागु गरिएको प्रमुख जिल्ला अधिकारी रामबहादुर कुरुम्बाङले बताउनु भयो । बिशेष गरि दोस्रो चरणको लकडाउन खुलेसँगै बाँकेका सवारिसाधनमा जोरबिजोर प्रणालि लागू गरिएको थियो ।
जिल्लामा कोरोना संक्रमण भयावह कतिखेर हुन्छ भन्न सकिदैन भन्दै प्रजिअ कुरुम्बाङले जोखिम न्यूनीकरण गर्न यो नियमको लागु गरिएको बताउनु भयो । प्रजिअ कुरूम्वाङले आज नम्बर प्लेटको अन्तिममा ०, २, ४, ६ र ८ नम्बर रहेका सवारिसाधन मात्र संचालन गर्न आग्रह गर्नुभएको छ ।
