रोयटर्स । इटालियन प्रशिक्षक रोबर्टो मान्सिनीले विश्वकप छनोट खेलका लागि बोलाएको टोलीमा सबै युरो–२०२० कै खेलाडीको वर्चश्व रहेका छ । चोटका कारण लियोनार्दो स्पिनाजोला भने छैनन् ।
मान्सिनीले विश्वकप छनोटका लागि ३४ खेलाडीलाई बोलाएका छन् । त्यसमा युरो–२०२० खेलेका २६ मध्ये २५ खेलाडी परेका छन् । इटालीले इङ्ल्यान्डलाई पेनाल्टी सुटआउटमा ३–२ हराउँदै युरो–२०२० को उपाधि जितेको थियो ।
इटाली ३४ खेलसम्म पराजित छ । जुन ब्राजिल र स्पेनले बनाएको कीर्तिमानभन्दा एक खेल कम हो । इटालीले कतार विश्वकप २०२२ छनोटमा खेलेका तीनै खेलमा विजय हासिल गरेको छ ।
मान्सिनीले सासउलोका फरवार्ड जियानलुका स्कामाकालाई पहिलो पटक टोलीमा समावेश गरेका छन् । एएस रोमाका निकोलो जानिओलो चोटमुक्त भएर फर्किएका छन् ।
इटालीले २ सेप्टेम्बरमा बुल्गेरिया, ६ सेप्टेम्बरमा स्विट्जरल्यान्ड र ९ सेप्टेम्बरमा लिथुआनियाविरुद्ध खेल्नेछ ।
