संवाददाता ।
कोपा अमेरिका फुटबलको उपाधि अर्जेन्टिनाले जितेको छ । आज भएको उपाधि भिडन्तमा ब्राजिललाई १–० हराउँदै अजेन्टिनाले उपाधि जितेको हो ।
अर्जेन्टिनाका लागि डि मारियाले २२ औं मिनेटमा गोल गर्नुभएको थियो । अर्जेन्टिनाले कोपा अमेरिकाको उपाधि १५ औं पटक जितेको छ । लियोनल मेस्सीले आफ्नो देशका लागि यो पहिलो सिनियर उपाधि जित्नुभएको हो ।
यसअघि मेस्सीले सन् २००८ मा बेइजिङ ओलम्पिकमा स्वर्ण जित्नुभएको थियो ।
आज विहान भएको कोपा अमेरिका २०२१ को उपाधि भिडन्तमा चिरपरिचित प्रतिद्वन्द्वी ब्राजिललाई १–० गोलले पराजित गर्दै अर्जेन्टिना च्याम्पियन बन्दा एन्जल डि मारिया नायक सावित हुनुभयो ।
सन् १९९३ पछि मुख्य प्रतियोगिताको पहिलो उपाधि जित्ने क्रममा अर्जेन्टिनाका मारियाले घरेलु टिम ब्राजिल विरुद्ध खेलको २२ मिनेटमा गोल गर्नुभएको हो ।
डि पाउलले दिएको लामो पासमा डि मारियाले उत्कृष्ट गोल गर्दा घरेलु टिम स्तब्ध बन्यो । पहिलो हाफमा पछि परेको ब्राजिलले दोस्रो हाफमा बराबरी गोल फर्काउन गरेको प्रयास सफल हुन सकेन ।
अर्जेन्टिनी स्टार लिओनल मेसीका लागि पनि यो पहिलो मुख्य प्रतियोगिताको उपाधि हो । मेसीले यसअघि अर्जेन्टिनाको जर्सीमा चार वटा फाइनल खेले पनि उपाधि जित्न सक्नुभएको थिएन ।
यसैबीच मेसी कोपा अमेरिकाका प्रतियोगिताको उत्कृष्ट खेलाडी एवं सर्वाधिक गोलकर्ता बन्नुभएको छ । मेसीले ७ खेलमा ४ गोल र ५ असिस्ट गर्नुभयोे ।
अर्जेन्टिनाले गरेका १२ गोलमध्ये ९ गोलमा मेसीको प्रत्यक्ष भूमिका रह्यो ।
#कोपा #अमेरिका #फुटबल
इमेज खबरबाट
