संवाददाता।
भर्खरै रियल म्याड्रिड छोड्नुभएका स्पेनिस डिफेन्डर सर्जियो रामोस लिग वान क्लब पेरिस सेन्ट जर्माइनमा आबद्ध हुनुभएको छ । रामोससँग दुई वर्षको सम्झौता गरिएको घोषणा पिएसजीले गरेको हो ।
३५ वर्षका रामोसले आफ्नो खेल जीवनमा विश्वकप, युरोकप, फिफा क्लब विश्वकप युईएफए च्याम्पियन्स लिग, स्पेनिस ला–लिगा, कोपा डे रेल गायत सबैखाले प्रमुख उपाधि जितिसक्नुभएको छ ।
पिएसजीबाट खेल्न पाउँदा आफुलाई गर्व लागेको प्रतिक्रिया रामोसले दिनुभएको छ ।
सेभियाबाट व्यवसायिक फुटबलको सुरुवात गर्नुभएका रामोसले सन् २००५ यता पछिल्ला १६ वर्ष रियलमा बिताउनुभएको थियो । रियलसँगको सम्झौता यसै सिजन टुंगिएपछि उहाँले फ्रि एजेन्टका रुपमा क्लब छोड्नुभएको हो ।
