बाँके । बाँके क्षेत्र नं. २ बाट निर्वाचित बिघटित संघीय संसदका सांसद तथा पुर्व सहरी बिकास मन्त्री मोहम्मद इस्तियाक राइले स्थानीय विकास पुर्वाधार कोष मार्फत छुट्याइएको रकमबाट खरिद गरिएका दुई थान भेन्टिलेटर भेरी अस्पतालमा आएका छन् ।
नेपालगन्जका विभिन्न क्षेत्रमा बिकास गर्दै आउनु भएका राइले छुट्याएको ४५ लाख रकमबाट खरिद गरिएका दुई थान भेन्टिलेटर बुधबार नेपालगन्ज उपमहानगरपालिका मार्फत भेरी अस्पताललाई प्राप्त भएको भेरी अस्पताल बिकास समितिका अध्यक्ष प्रमोद धितालले जानकारी दिनु भयो ।
पुर्वमन्त्री राईले भेरी अस्पताललाई भेन्टिलेटर खरीदका लागि उक्त कोषमार्फत ४५ लाख रकम बिनियोजन गर्नु भएको थियो । त्यसैगरी, अक्सिजन रिफिलिङ्गका लागि ५० लाख रकम कोषमार्फत छुट्याउनु भएको थियो ।
