संवाददाता, नेपालगन्ज । दैलेख भगवतीमाइ गाउपालिकामा रहेको आइसोलेसन सेन्टरलाई युवा नेतृ मेनुका शाहीको पहलमा स्वास्थ्य समाग्री हस्तान्तरण गरिएको छ ।
नेतृ शाहीले बढ्दो कोरोनाको दोस्रो लहरबाट पीडित कोरोनाका बिरामीहरुलाइ लक्षित गरि अक्सिजन कन्सन्ट्रेटर मेसिन थान १, अक्सिजन सिलिण्डर थान ५, ग्लोब्स थान १ हजार जोडि, गमबुट थान १०, एन ९५ माक्स थान २०, सेनिटाइजर ५ लिटर, सर्जिकल माक्स २ सय प्याकेट लगाएको स्वास्थ्य समाग्री हस्तान्तरण गर्नु भएको हो ।
जनताको ज्यान बचाउन र स्वास्थ्यकर्मीहरुलाइ काम गर्न सजिलोहोस भन्ने मनोसायले स्वस्थ्य समाग्री हस्तान्तरण गरेको नेतृ शाहीले गुडन्युज खबरलाइ बताउनु भयो । नेतृ शाहीले भन्नू भयो,´ मेरो सानो पहलले जनताको ज्यान बचाउने हेतुले यो सहयोग गरेकी हु । यसबाट थोरै भएपनि जनता र स्वस्थ्यकर्मीहरुको घाउमा मलहम पट्टी लगाउने प्रयास मात्र गरेकी हु ।`
शाहीले हस्तान्तरण गरेको समाग्रीले स्वस्थ्यकर्मीहरु र कोरोनाका बिरामीहरुलाइ राहत हुने भगवतीमाइ गाउपालिकाले जनाएको छ । गाउपालिकाले नेतृ शाहीलाई धन्यवाद समेत दिएको छ ।
