बाँके । बाँके जिल्लामा कोरोना संक्रमित संख्या दुई हजार नौं सय नाघेको छ ।
गएको २४ घण्टामा ४४ जनामा कोरोना पुष्टि भएसँगै संक्रमित संख्या दुई हजार ९४५ पुगेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ । संक्रमित हुनेमा १५ जना महिला र २९ जना पुरुष रहेका छन् ।
यसैगरी गएको २४ घण्टामा ३७ जना सङ्क्रमित कोरोना सङ्क्रमणमुक्त भएसँगै कोरोनाबाट निको हुनेको सङ्ख्या दुई हजार ३१५ जना पुगेको छ ।
अब बाँकेमा ६०१ जना सक्रिय संक्रमित रहेका छन् । कोरोनाबाट बाँकेमा हालसम्म २९ जना मृत्यु भएको छ ।
जिल्लामा बिरामी निको हुने दर ७८.६१ प्रतिशत, मृत्यु दर ०.९८ प्रतिशत र विरामी प्रकोप दर ०.४९ प्रतिशत रहेको डीसीसीएमसी बाँकेले जनाएको छ ।
