प्रेरणा गिरी, नेपालगंज ।
नेपालगंज उपमहानगरपालिका वडा नम्बर १ का २३ जना महिलाहरु कौसी (करेसाबारी) तरकारी खेती गर्न लागेका छन । उनीहरुले घरवरीपरी खाली रहेको जग्गा र घरको छतमै बिषाधिरहित अर्गेनिक तरकारी फलाउने आँट गरेका हुन ।
उनीहरुको आँट (हिम्मत) लाई देखेर वडा कार्यालयले तरकारीको बीउ तथा गमला, कुटो, हजारी लगायतका कृषि सामाग्री खरिदका भन्दै २५ हजार रुपैंया सहयोग गरेको श्री शान्ति अर्गेनिक शहरी कृषक समूहका अध्यक्ष अमृता गिरीले गुडन्युज खबरलाई जानकारी दिनुभयो ।
बजारबाट तरकारी किनेर खानुभन्दा घरमै आफैले तरकारी फलाउने र खर्च घटाउने उद्देश्यले योजना बनाएका महिलालाई वडाले पनि सहयोग गरेपछि स्थानीय महिलाहरु हौसिएका छन ।
श्री शान्ति अर्गेनिक शहरी कृषक समूहले आफना सदस्यहरुलाई बीउ तथा कृषि सामाग्री वितरण गरिसकेको जनाएको छ ।
(प्रशिक्षार्थी)
