तिब्र गतिमा मोटरसाईकल चलाउनलाई निरुत्साहित गरि सवारी दुर्घटनाबाट जोगाउने उद्देश्यका साथ बाँकेको नेपालगंजमा जनचेतना मुलक स्लो बाईक प्रतियोगिता आयोजना गरिने भएको छ ।
बास नेपालगन्ज र रोटरी क्लब अफ सेन्ट्रल नेपालगन्जको संयुक्त आयोजनामा हुन गइरहेको स्लो बाइक प्रतियोगितामा संञ्चालनका लागी जिल्ला प्रहरी कार्यालय बाँके र ट्राफिक प्रहरी कार्यालय नेपालगन्जले सहकार्य गरेका छन ।
प्रतियोगिता आगामी माघ १० गते आयोजना हुनेछ । प्रतियोगितामा भाग लिन चाहनेले अनलाईन मार्फत फर्म भर्न सक्ने ब्यवस्था गरिएको छ भने बास केन्द्रीय कार्यालय नेपालगन्ज १० भृकुटीनगरमा समेत नाम दर्ता गर्न सक्ने जनाईएको छ ।
प्रथम, द्धितिय, तृतीय र सान्त्वना हुने प्रतियोगिलाई क्रमश : नगद १० हजार, ७ हजार, ४ हजार र २ हजार रुपैंया सहित प्रमाण पत्र प्रदान गरिने छ ।
भाग लिनका लागी मोटरसाईकल वा स्कुटर प्रयोग गर्न सकिने छ तर प्रतियोगिसँग लाईसेन्स र प्रयोग गर्ने सवारी साधान भने कण्डीसनमा रहेको हुनुपर्ने बासका सूचना अधिकारी हेमराज भट्ट द्धारा जारी प्रेस बिज्ञप्तीमा उल्लेख छ ।
