बाँके । जिल्लामा कोरोना भाइरस (कोभिड–१९) का सङ्क्रमितको सङ्ख्या तीन हजार छ सय ९६ पुगेको छ । शनिबार थप ५० जनामा सङ्क्रमण पुष्टि भएको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
त्यस्तै गएको २४ घण्टामा ४३ जना निको भएर फर्किएसँगै डिस्चार्ज हुनेको सङ्ख्या तीन हजार चार सय ७३ पुगेको छ ।
अब बाँकेमा एक सय ८५ जना सक्रिय सङ्क्रमित आइसोलेशनमा रहेको बाँके जिल्ला कोरोना सम्पर्क व्यक्ति नरेश बाबु श्रेष्ठले जानकारी दिनुभयो ।
यस्तै गएको २४ घण्टामा एक जनाको ज्यान गएसँगै कोरोना सङ्क्रमणबाट ज्यान गुमाउनेको सङ्ख्या ३८ पुगेको छ ।
बाँकेमा बिरामी निको हुने दर ९३.९७ प्रतिशत, मृत्यु दर १.०३ प्रतिशत र रोगको प्रकोप दर ०.६१ प्रतिशत रहेको जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेले जनाएको छ ।
