बाँके । नोबेल कोरोना भाइरस (काभिड– १९) बिहीबार बाँकेका ६० जनामा पुष्टि भएको छ ।
बिहीबार भेरी अस्पताल पीसीआर ल्याबबाट ३९, नेपालगन्ज मेडिकल कलेज, कोहलपुर पीसीआर ल्याबबाट १९ जना, बागेश्वरी पीसीआर ल्याबबाट २ जना गरि ६० जनामा कोरोना पुष्टि भएको हो ।
जिल्ला कोभिड– १९ संकट व्यवस्थापन केन्द्र (डीसीसीएमसी) बाँकेका अनुसार बिहीबार कोरोना पुष्टि भएका २४ जना महिला र ३६ जना पुरुष रहेका छन् । योसँगै बाँके जिल्लामा जम्मा कोरोना संक्रमित संख्या दुई हजार ९०१ जना पुगेको छ ।
यस्तै आज ५१ जना निको भइ डिस्चार्ज भएसँगै कोरोना जित्दै निको भएर घर फर्किनेको संख्या दुई हजार २७८ जना पुगेको छ । हालसम्म जिल्ला भित्रका २९ र जिल्ला बाहिरका यस जिल्लामा १६ जना गरि ४५ जनाको मृत्यु भएको छ ।
डीसीसीएमसीका अनुसार ५९४ जना संक्रिय संक्रमित उपचाररत छन् । बाँकेमा विरामी निको हुने दर ७८.५२ प्रतिशत, मृत्यु दर १.०० प्रतिशत र रोगको प्रकोप दर ०.४८ प्रतिशत रहेको छ ।