म्याग्दी उद्योग बाणिज्य संघले आइतबार प्रमुख जिल्ला अधिकारी उमाकान्त अधिकारीलाई स्वागत गरेको छ । प्रजिअ अधिकारी जिल्ला प्रशासन कार्यालय म्यादीमा हाजिरी हुन पुगे संगै उद्योग बाणिज्य संघ म्याग्दीले स्वागत गरेको हो ।
स्वागत कार्यक्रममा ब्यापारीका समस्या बाढी-पहिरो पीडितहरुलाई राहत, पुनर्वास, अनियमित बिद्धुत लगाएतका समस्या समाधानका बिषयमा उद्योग व्यवसायीहरुले आफ्ना भनाइ राखेका थिए । प्रजिअ अधिकारीले म्याग्दीका जनतालाई प्रत्याभूत हुनेगरी प्रभावकारी रुपमा शान्ति सुरक्षा लगाएतका बिषयमा सरोकारवाला निकाय संग साथ र सहयोगमा आफू लागि पर्ने प्रजिअ अधिकारीले बताउनु भयो । प्रजिअ अधिकारीले भन्नु भयो, ” निर्धक्क भएर कानुनको परिपालन गरेर व्यापार व्यवसाय प्रवर्द्धन गर्नु होस । मैले मेरो बुताले भ्याए सम्म हर प्रकारको सकारात्मक र रचनात्मक सहयोग गर्छु ।”
प्रजिअ अधिकारी मुगु जिल्लामा प्रमुख जिल्ला अधिकारी भएर सफल राष्ट्र सेवकको रुपमा चिनिनु भएको छ । जिल्लाको समग्र विकासमा आफुलाइ अव्बल सावित गरिसक्नु भएका प्रजिअ अधिकारीका लागि म्याग्दी जिल्लामा पनि काम गरेर देखाउने राम्रो अवसरको रुपमा जुरेको छ ।
म्याग्दी उद्योग बाणिज्य संघका अध्यक्ष उत्तमकुमार कर्माचार्यले जिल्लाको समग्र अवस्था बारे जानकारी गराउदै बिकासको सकारात्मक आशा राखेको बताउनु भयो । भने कार्यक्रम संचालन महासचिव लिलाराम गौतमले गर्नु भएको थियो ।
