सत्तारूढ नेपाल कम्युनिष्ट पार्टी (नेकपा) ले मन्त्रिपरिषद् पुनर्गठनको तयारी गरेको छ । नेकपा कार्यालय पेरिसडाँडामा आज बसेको केन्द्रीय सचिवालय बैठकमा मन्त्रिपरिषद् पुनर्गठनका विषयमा छलफल भएको हो ।
“आजको पहिलो अजेण्डाका रूपमा मन्त्रिपरिषद् पुनर्गठनका विषयमा मात्रै नीतिगत छलफल भएको छ”, बैठकपछि नेकपा प्रवक्ता नारायणकाजी श्रेष्ठले भन्नुभयोे, “सरकारलाई अझ प्रभावकारी बनाउने र सामाजिक न्यायसहितको समृद्धि हासिल गर्ने लक्ष्यलाई अगाडि बढाउने सन्दर्भमा विभिन्न विकल्पमा छलफल भएको छ ।”
उहाँले बैठकमा आफू र वामदेव गौतम सरकारमा जाने विषयमा भने कुनै छलफल नभएको बताउनुभयो । श्रेष्ठका अनुसार नेकपाको सचिवालय बैठक भोलि दिउँसो १ बजे पेरिसडाँडामै बस्नेछ ।
हिमाल खबरबाट
