कोहलपुर। नेकपा माओवादी केन्द्र कोहलपुर नगरपालिका वडा नँ ५ को अध्यक्षमा मेगलाल धिताल निर्वाचित हुनुभएको छ ।
नेकपा माओवादी केन्द्रले जिल्लाका सबै वडाहरुमा जेठ मशान्त भित्र वडा सम्मेलन गरिसक्ने भन्ने जिल्ला पार्टीको निर्देशन अनुसार शनिबार कोहलपुर ५ मा भएको छैठौं वडा सम्मेलन बाट धिताल सर्वसम्मत रुपमा वडा अध्यक्षमा निर्वाचित हुनुभएको हो ।
वडा सम्मेलनले उपाध्यक्षमा प्रतिमा पराजुली सचिवमा चन्द्र बहादुर सुनार सह सचिवमा रिम बहादुर चन्द र कोषाध्यक्षमा कल्पना पुन सहित १३ सदस्यीय वडा समिति गठन गरेको छ ।
नेकपा माओवादी केन्द्र कोहलपुर वडा नँ ५ को वडा सम्मेलनमा वडाका ११६ जना पार्टी सदस्य प्रतिनिधि रहेका थिए ।वडा सम्मेलन लाई सम्बोधन गर्दै प्रमुख अतिथि नेकपा माओवादी केन्द्रका केन्द्रीय सदस्य पार्बती पुन उषाले नेपाली जनताको त्याग र बलिदान बाट प्राप्त नयाँ सबिधान र गणतान्त्रिक ब्यवस्थाको रक्षा गर्न नेपाली जनता एक भएर लाग्नुपर्ने बताउनु भयो । साथै उहाँले माओवादी भित्र मौलाउदै गएको बिकृतिलाई चिर्न नेता तथा कार्यकर्ता रुपान्तरण हुन जरुरी रहेको बताउनु भयो ।
यस्तै माओवादी केन्द्रका केन्द्रीय सदस्य नरेन्द्र न्यौपानेले पार्टीका नेताहरु जनताका समस्या संग एकाकार भएर अगाडी बढ्नुपर्ने बताउनु भयो । उहाँले समुदायका समस्या लाई समाधन गर्नतिर निरन्तर रुपमा नेता तथा कार्यकर्ता लाग्न सके मात्र पार्टी बलियो हुने बताउनु भयो । वडा सम्मेलनमा नेकपा माओवादी केन्द्र लुम्बिनी प्रदेश सचिवालय सदस्य रेंणुका खड्का प्रदेस समिति सदस्यहरु तुलाराज बिष्ट अशोक पोख्रेल कोहलपुर नगर उपाध्यक्ष बल बहादुर खड्का लगाएतले शुभकामना मन्तबय राख्नु भएको थियो ।
सम्मेलनमा वडा भित्र रहेका सहिद परिवार पुर्व जनमुक्ति सेना ज्येष्ठ कम्युनिस्ट सदस्य पुर्व वडा अध्यक्ष सहित २६ जनालाइ सम्मान पत्र सहिद खादा ओढाएर सम्मान गरिएको वडा अध्यक्ष मेगलाल धितालले जानकारी दिनिभयो ।
