नेपालगन्ज । बाँके प्रहरीले एक सामुदायिक वनबाट बेवारिसे अवस्थामा रहेको भरुवा बन्दुक बरामद गरेको जनाएको छ ।
बाँकेको राप्तीसोनारी गाउँपालिका वडा नं. ५ स्थित कन्या राजा सामुदायिक वन उपभोक्ता समुहको जङ्गलबाट सोमबार साँझ एकनाले भरुवा बन्दुक बेवारिसे अवस्थामा फेला पारी बरामद गरिएको जिल्ला प्रहरी कार्यालय बाँकेले जनाएको छ ।
उक्त वनका चौकीदार माघु थारुले जङ्गलमा बन्दुक रहेको सूचना ईलाका प्रहरी कार्यालय बैजापुरलाई जानकारी गराएको र उक्त स्थानमा प्रहरी टोली गई सो बन्दुकलाई बरामद गरि थप अनुसन्धान सुरु गरिएको प्रहरीले जनाएको छ ।
